يا اهل باكرمان
رسيت القطب في الجبح ما بارد منه انا انسان دابس
وانتم جهزوا ستمائة من حاملين السلب أو ألف فارس
وبصر الله يقع موت فوق الجبح والا عسل صافي ومصبوب
مكانه جبحكم يااهل باكرمان فيه العسل ماغبه النوب
وسووا ماتسوون في او عاكسوا والزمن كله معاكس
وثيروها على الجبح حمراء مثل ماثارت الغبراء وداحس()
وناباقول ياحول لا قد شفت كير البلا لاصي ومشبوب()
مكانه جبحكم يااهل باكرمان فيه العسل ماغبه النوب
اذا جديت وظهرت هذا جاء يفاخر وهذا جا ينافس
وان غضيت وصبرت قالوا مامعه مقدره مسكين بائس
منين الياس مادام نالي ساق عا المشي يحملنا وعرقوب
مكانه جبحكم يااهل باكرمان فيه العسل ماغبه النوب
انا راغب وحبان كل ماجيت باقايس الحب ما تقايس
انا مشتاق والشوق قد له نار تاكل خضر مره ويابس
اذا هاجت في القلب خلتنا مشي في الوعر من غير مركوب
مكانه جبحكم يااهل باكرمان فيه العسل ماغبه النوب
