قالو قليل الحظ قالو الدنيا ظلمتنى
قالو حزين والدنيا قافله فى وشه بابها
وانا من ايمانى يارب بيك بدعيك تثبتنى
ادتنى راحة بال ومش فاهمين سببها
اصل الرضا بالحال نعمه ما بعدها نعمه
وانا قلبى راضى وعمرى يوم ما سمعت ليهم
فى ناس معاهم مال ولكن قلبهم اعمى
شايف بقلبى حاجات ما بتشفهاش عنيهم
رزقى القليل بيجينى مطرح خطوتى ما تمشى
ربك دا عالم باللى زيى وبيراضيهم
ويفيد بأيه المال لعين فى الليل ما بتنامشى
راضى بحالى وهما حالهم مش راضيهم
