ودعت أيامي ويه وداعك يمسافر لبعيد .. باجر أيتامك تبجي ببابك تنتظرك عيد
ما تنساك علي .. تتعناك علي .. ما تلقاك علي يمسافر لبعيد
والدي ودمعي يودعك .. من لقى لجرحي لوعك .. هذا دمعي بيوم فراقك يندب يا كرار .. الحسن وحجي بهدمع بويه من بعدك أنفجع يا عذابي بهاي الحالة وقلبي اليوم احتار .. كل ما مريت بمحرابك أثار الدم منه تلوح أيتامك ملتمه ببابك وتريدك متريد تروح الا تشوفك بويه وتسأل عن جرحك وتذوب الروح تدري بحيدر لا ما يقبل باب الدمعة يضل مفتوح .. أيتامك يا حيدر تسأل ما تصبر هليوم ما قلهم حيدر جرحه يألمه طايح مسموم .. دمع أحباب علي .. خلف الباب علي .. تون لمصاب علي يمسافر لبعيد ..
من صرخ صوت ويه الفجر .. يلحسن بفراقه الصبر .. يلعفتني بنار جروحي ولمن اشكي الحال .. من تمر يا بويه بحلم .. ولو شفت دمعات اليتم .. من تلاقينه بهاي الحاله وضيعنه آمال .. يل رحت والدنيا خلافك ما تسوى الفرحه بلياك .. يل شلت الدنيا على جتافك رحت وراح العيد وياك .. زينب من عنك تسألني .. طلبت يلوالد مرآك .. وانته بدمك يلمتحني بسيف الغادر بويه رداك .. تسألني وما تدري الوالد بالمسجد مغدور .. طايح وملاك الدمع الحسرة يم جرحه تدور .. تبجي عليك علي .. من داويك علي .. وتناديك علي يمسافر لبعيد ..
يا فجر نورك من نزل .. ما سلم بيه خير العمل .. سال خضابك في محرابه ونور العالم ضاع .. الشمس صارت مضلمه .. والصلاة متخضبه بدمه .. وقلب المحراب على مصابك بالهم لجلك ذاب .. وحي فراقك لمن قرب يكتب بدموعه الآيات أكبر أولادك وتعذب وضيع بحزني الكلمات .. تشهد يا كرار حروبك وشقد براسك طبرات
بس السم عجل بغروبك خلانه نعيش الآهات .. ضربات هوايه وحامله بسيف المسموم خلاه الطبره تفوق جروحك وتزيد هموم .. تحمل آه علي .. صوت الله علي .. تتنخاك علي يمسافر لبعيد ..
تسائلت زينب بالدمع .. يل رحت شيحمله الوضع .. بيتك بعدك يلعايفنه يبقى بنار أحزان .. خويه من نادت يلحسن ويلي من يغدر هزمن .. فرض دموعي خلاف الوالي هل بعيوني وحال .. يا بويه فراقك بجاه ودمعته لفاضت بالعين همومك بس تعيش وياه وين تلاقي طيوفك وين .. عليك الدمعات من تهله نزلن لك دمعات ثنين .. دمعة عباس اللكافله ودمعة مشتاق من حسين .. تجمعنه الحسرة على بعادك كل ما صار الليل .. نذكر بويه مصاب فراقك والمدمع سيل .. بيت أيتام علي .. بي آلام علي .. نشوف أحلام علي يمسافر لبعيد
