يقيس في الغلا حبّة عيوني خلّه علي راحته كيف مايبي يتغلّى
قاسه و لقاه مقاسه كيف مايبي خايل عليه امواسى
بطرشة انقابه و بلغته العفّاسه احنا عندنا تسوى العالم كلّه
يقيس في الغلا يدّلّل روحه خفيفه لا ثقل لا ملّل
حسيت به بين لجواجي اسّلّل ... فيه الشفا بلسم دوا للعلّه
يقيس في الغلا بالخفّه ... لثنين في دمّه كرامه وعفّه
يرحم اللي جابه امكفي ووفّى ... من العين والحساد حاميه الله
حتى الغلا له شوقه ... ايدير عيد ويعيّد نهار ايتوقه
يقيس في الغلا وين مادخل في سوقه ... رقي حس دلاله السّوم تعلّى
قاسه ولقاه حريره ... خصوصي امفصّل ليه موش لغيره
علي راحته من عدن للفجيره ... لعند وجده يصير راعيه الله
