يقول في حقي كلام كتير مش حلو ليه
بيقول مليش لزمه فحياته من النهار ده
وعشان ما هوش عارف يقول بغلط في ايه
بيقول تعب مني عشان مشاعري بارده
لو فيا عيب مش عيب يقول للناس عليه
و يحكي فيه .. ما هو مش صغير على الكلام ده
مصدومه بجد و مش بنطق ولا عارفه ارد
مصدومه عشان شكله فى عيني بقى مش ولا بد
لو طول الوقت هنفضل نتكلم عن بعض
هنخلي ايه للغرب علشان يحكوا فيه
ازاي بينسى عشانه ياما عملت ايه
بعد اما كل حاجه حلوه عرفها بيا
معقول بقيت دلوقت مش حلوه فى عينيه
معقول كمان كل العبر طلعها فيا
بالخير انا من يومها بتكلم عليه
وح يخسر ايه .. لو بالخير اتكلم عليا
