حول يا غنام حول بات الليلة هين
قلي يا غنام بالله شايف حبي وين
عاهدني المحبوب بباله يجي يلاقيني
ماله يا غنام ماله ما بيوافيني
يا زينة العربان بقسم بديني
عغدير المي غادي غاد شفت الزين
يطول عمرك يا غنام ردّت روحي ليّ
قلي بالله بأيّ عين شفته بأيّ ميّ
كان قلبي قبل وصولك مشوي بناره شيّ
لا عم باكل و لا عم بشرب بقالي يومين
الله يصبر قلب العاشق يا أخت العربان
و يجمعك بحبيب قلبك بجاه الرحمن
تحضي بيه و يحضى بيكي و تعيشو بأمان
روحي الله يكون معاكي بلكي تلاقي الزين
وين يا غزلان البر شارد غزالي
مين منكم يرضى عليّ و يريّح بالي
يا جبال يا وديان ارثي لحالي
يا مناهل يا غدران وين حبي وين
