انسحبوا اهداء للجنود المصريين اللى صدرت ليهم الاوامر العشوائية بالانسحاب بدون خطة انسحاب
انسحبوا
كان اللاسلكي بعيد والعسكري مسمعش
انسحبوا..شوفوا العجب يا ولاد العسكري مرجعش
انسحبوا....اطرش ده ولا صنم ..ارجع يا جندي بيادة
دخل العدو العريش ارجع خلاص بزيادة
العسكري سامع لكنه واد مجدع شال
اربيجيهة وضحك اشمعنى انا اللى ارجع
وقف الزمن مذهول ساعتين بيشاهد
الجندى قام كبر المدفع اتشاهد
الدبابات ظهرت ..ارجع يا جندى نظام
..دا كان كلام القيادة.. ودا برده وقت كلام
وقف الولد ددبان يا سادة يا سامعين
صادهم كما الدبان
محروس يا واد م العين
الدبابات صفين اتفاجئوا وافترقوا على كتفه
كان مدفع وعلى الجبين عرقه
غطا العفار النار ولا حد عاد شايف
والدبابات بتهل ودا بردو مش خايف
الضحكة على وشه متقولش بيصيف
ولسه الزمن واقف مبسوط ومتكيف
الدبابات كترت والكترة غلابه
والقلب لو مؤمن ولا الف دبابة
حتقولوا مات الولد
انا اقولكم..لاه عاش
مالجنة ولا فيها موت ولا تدخل ببلاش
