هذي خيولي في الهوى ما تعدتك
وهذي مرابط شوقها في سراياك
اقبل عليا واروني من محبتك
خلي المشاعر ساكنة في زواياك
واموت واحيا يالغلا في ضيافتك
وازف لك اسمى التهاني بلا ماك
......
ترتاح نفسي عقب شوفك وطلتك
واشواق قلبن من محبتك يفداك
يا النادر السامي معي في مودتك
احلى ليالي العمر لا صرت وياك
قمت اتسمع في قصيدك ونشرتك
اشرحت صدري ما كتبته بيمناك
.......
المدح لو بمدح وصوفك وطيبتك
كل المدايح ما توفي مزاياك
مالك شبيهن في جمالك ورقتك
والكون كله ما يساوي محياك
ايه افتخر بك كثر حبك وهيبتك
حتى قصيدي دايما همه رضاك
