لو بكاي هماك
ولو شقاي أشقاك
ما كنت يوم
فارقتنى .. خاصمتنى .. عذبتنى
ياما دربك كنت بفرشو
ورد وحنيه وأماني
ياما عهدك صنتو ما خنتو
وكان ليك حناني
ياما من ليلي ونهاري ودمعي
بنسجلك أغاني
وكل كلمة من غناي
فيها من حبك معاني
إن نأيت برجاك
و إن نسيت بطراك
وإن قسيت بهواك
جيت أعاتبك و أشتكيلك
وأشرح الحب من بدايتو
قلبي خاضع ما بيرافع
بس عليك تسمع حكايتو
أنت حاكمو وأنت مالكو
وأنت فى إيدك وصايتو
أنت لو حكمت قلبك
ما أظن ترضى بنهايتو
العهود صونوها
أوعو لا تخونوها
ده حرام تنسوها
تبقى جنبي وننسي
كل الدنيا نغرق في الأماني
وأشتكيلك يا حبيبي
منك أنت ومن زماني
فى غيابك ياما
ليل الغربة (الوحدة ) بالآلام رماني
أبقى عيني .. وأبقى روحي
و أبقى قلبي يا حناني
يا أمل يا لطف يا
حنيه وينك من عيوني
لو تعود وتجيني
ألقى فيك حنيني
وأنسى بيك أنيني
ابتسامتك ربيع
دنياي ياما عشت فيها
فتحت في دربي
أشواق الليالي البشتهيها
دى السعادة المن زمان بسأل عليها
بكياني .. بشبابي .. بحياتي افتديها
الإله يرعانا
ده الغرام ضمانا
أنحنا ما أحلانا
