لو حكينا يا حبيبي نبتدي منين الحكاية
إحنا قصة حبنا ليها أكتر من بداية
عشنا فيها .. ياما عشنا شفنا فيها .. ياما شفنا
لكن مشينا.. وكملنا مشوار الحب .. ووصلنا
والدنيا ما قدرت تعاندنا وتفرق بينا وتبعدنا
تعالى نقول لغيرنا أنا وانت إزاي قدرنا
نبعد عن أي عذاب ونعيش على طول أحباب
نحضن فرحتنا سوا ونخلي الحب .. شباب
وقابلنا أنا وأنت في مشوارنا حاجات كتير جرحت غيرنا
الغيرة وظنونها واللي بيجرى منها
في يوم ما قربت منا بعدها حبنا عنا
وقابلنا الحاسدين وشفونا ولا هانش عليهم يفوتونا
وقالوا علينا ياما قالوا وهو انا ولا إتغير حاله
وتسافر .. وأسافر وايام يطول السفر
وقلوبنا .. بتتقابل مع كل طلعة قمر
وان جت خطوتنا تغربنا حلاوة الشوق بتقربنا
ومنين يجينا الخصام ومنين يجينا البعاد
واحنا بين قلوبنا كل لحظة ميعاد
تعالى نقول لغيرنا أنا وإنت ازاي قدرنا
نبعد عن أي عذاب ونعيش على طول أحباب
نحضن فرحتنا سوا ونخلي الحب شباب
وفي لحظة وقفنا وابتدا خوفنا
ولقينا حوالينا .. الدنيا ضباب .. وليل وقلب جريح
زى أوراق الشجر .. وقت الخريف .. رماها الريح
سألنا روحنا ليه.. أكبر من حبنا .. إيه .. إيه
لكن ما طالش الحب بينا وعرفنا .. وشفنا.. وحسينا
إنت شايف الحب كله عيون وهمس لكن أنا شايف
أحلى كلام عشاق يا حبيبي هو كلام الشفايف
إنت وإنت جنبي في كل ميعاد بيجمعنا بتروح بعيد ويا التنهيد
وانا بشوف لقانا هو اثنين سوا دايبين في لمسة إيد
بتقولي نخاف نمشي ونبعد دا الهوى جبار يلعب بينا
خايف من إيه
فيه أجمل إيه من حضن الحب يدفينا
بتقولي شوف القمر ويايا
اللي كل العاشقين سهروا الليالي ليه
حلو القمر..بس أحلى من القمر
لو نخلي عمرنا يوم ندوق الحب فيه
واتبدد خوفنا من بعد وقوفنا
وبدقة قلوبنا .. عرفنا إيه الدوا
وعشنا الحب خيال وحقيقة سوا
