يافارس عندي وصية ليك اليوم
كانك قصد للصحاري لا تنساش
سلم لي على الطان نعرة للمضيوم
فرسان الصحراء و اعجل ما تبطاش
اهل الهمة والشنانة سل ملزوم
من فرقتهم راه قلبي ما يهناش
يافارس ثمة تصيب رجال القوم
و نخل و خيام الشعر تحفة وفراش
قدامك سادات تقرا في العلوم
سولهم ع الي انت ما تعرفهاش
طفلات محنيين للسعشة والصوم
و يصبوا في التاي لجماعة لعراش
بالحنة والرديف والساق الموشوم
عندك عقلك لا يغيب ولا تعلباش
