ماشية وساعتي مش مظبوطة
على فين رايحة ماكنتش عارفة
لكن ماشية وأنا مبسوطة
ماشية بخطوة ماهيش خايفة
ع الرصيف واحد بيعاكس
ليه مع إنه كبير ف السن
في الميدان بياع جرايد
بيقول اقرا رياضة وفن
فجأة لقيتني قصاد كافيتريا
قلت اما اطلب فنجان قهوة
جت لي القهوة شربت شوية
كان طعمها مش زي ما باهوى
أم وأب وطفلة معاهم
بس شقية وزي الجن
كل ما تلمح حاجة تشاور
وتقول عايزة يا إما هازن
فجأة لقيتني ف وسط محطة
والقطرات عمالة تصفر
ع الراس قفه ف الإيد شنطة
وش بيضحك وش مكشر
لو شاورو كان صوتك كان
جوه ف قلبي بيعزف لحن
قلت أما اظبط ساعتي عشان
صوتك خلى قلبي يحن
