حسنك أمر
أحمل صبابات الهوى
و أحضن براي نار الجوى
لا كل قلبي و لا فتر
...
حسنك أمر
وا لهفة القلب الحنين
وا لوعتو
شايل عذاب الغربة
يحلم ؛
و ينتظر يوم رجعتو
أبكاهو في دربك سفر
لكنو حابس دمعتو
وا ضيعتو
واااااااااا ضيعتو
لو ما رجع من غربتو
وا ضيعتو ،،
لو ما هجد بعد السهر
و إرتاح على خصل الشعر
...
حسنك أمر
و الشوق بحور
ما ليها حد ما ليها قيف
حسنك أمر
أعبر بحر
يمتد تاني بحر جديد
و أحتار و أقيف
حسنك أمر
إحترت كيف أقدر أصل
إحترت قول بلاهي كيف
حسنك أمر
وا لهفتي وا لهفة القلب الرهيف
حسنك أمر
زي قارب الليل أغرقو
و ما أتوسد أفاقو القمر
....
حسنك أمر
مهما صعب درب الوصول
لازم لازم لازم أصل
حسنك أمر
ما بتشكي في دربك قلوب
ما بتذرف الدمعات مقل
نتحدى دربك لو يطول
و يطول
و مين غيرنا نحن البحتمل
و إيه يعني في دربك هجير
للكلو نيران تشتعل
