وأحنا فايتين علي الحدود مستمرين فى الصعود
اختفى النيل الجميل من تحتنا و المدن و الريف و اول عمرنا
و ابتدى شئ ينجرح جوه الوجود و ابتدينا أسئلة مالهاش ردود
ميلنا ع الشباك نخبى دمعة فرت مننا ميلنا ع الشباك نخبى دمعة فرت مننا
بصة م الشباك على البحر البعيد و احنا رايحين بالآمل عالم جديد
كنت فاكرة يا مصر انى تعبت منك واكتشفت انى محال استغنى عنك
حتى دوشة صوت جيرانى و الزحام وحشونى تانى
بسمة حلوة لطفلة لسه صغيرة لما كنت اديها حته سكرة
قبل ما نسيبك وحشتينا يا مصر يا أمنا قبل ما نسيبك وحشتينا يا مصر يا أمنا
كنت باتذكر وانا ف غاية الأسى لعبنا الكورة فى حوش المدرسة
و الشقاوة واحنا لسه صغيرين والبراءة والصحاب الطيبين
لما سألتنى اللى جنبى أنت مصرى ؟ دق قلبى
أسم زى السحر رفرف علي المكان زى نسمة مهفهفة بصوت الآدان
أيوه مصريين لآخر كل نقطة فى دمنا أيوه مصريين لآخر كل نقطة فى دمنا
الوجوه من تلج و عيون من ازاز شوقى زاد للعشرة و الناس العزاز
و ابتديت اكتب وانا فوق السحاب ابتديت يا حبيبي فى اول جواب
مصر أنتى حته منى مش مجرد أسم وطنى
قالوا فاضل نص ساعة على الوصول قولت أية معنى الساعات والا الفصول
إلا فى الأرض اللي فيها ذكرياتنا وحبنا إلا فى الأرض اللي فيها ذكرياتنا وحبنا
و ابتدى شئ ينجرح جوه الوجود و ابتدينا أسئلة مالهاش ردود
ميلنا ع الشباك نخبى دمعة فرت مننا
