هقول حكايه عجب
حكايتى أنا و ليلي
ده في ناس كتير الأيام دى بتغنى على ليلي
فى كل حته يشوفونى , غاويين يقآسونى على ليلي
و جابولى أجمل صور لبنات الدنيا ورونى
مفيش شبيه ليلي
مش قادر أنسي ولا قادرين ينسونى جمال ليلي
قولولى يا أهل المحبه مالهم و مال ليلي ؟!
من صغري أمى و أبويا وصونى على ليلي
أخالف الأهل ؟ ولا أطاوع ال...... يا ليلي
ولا أضيع آمالى و حب قلبي سنين مع ليلي
بسمع كلام ف الطريق و أنا راكب
و أنا ماشي سيرة ليلي
و إللى يقابلنى يقول لى , ما قولتلك متاخدهاش ليلي
حتى الأغانى غنوها , ده عمل تقيل و لا سابهاش ليلي
و الهمس و الوشوشه كله على ليلي
يا ناس سيبونى لهوايا و كفايه بقي خيله
هو مفيش في الوجود غيري أنا وليلي ؟!
الحب مش بالكلام , أو عند و محايله
إنتم نسيتم زمان حكاية قيس مع ليلي
والله لأحلف يمين عنه أنا المسئول
و حياة عيسي و موسي و المصطفي المختار و يارب لو كنت بكذب يبقي مصيري النار
يحرم عليا الحب , من بعد غرام ليلي ..
