لو كان بإيدي قبل ما اتولد
اختار حياتي اختار زماني
واختار مكاني واختار صفاتي
لو كان بإيدي قبل ما اتولد
اختار طريقي واختار حبايبي
واختار قرايبي واختار صديق
لو كان بإيدي اعرف نصيبي
واعرف عدوي قبل ما اعرف حبيبي
لو كان بايدي اعرف نصيبي
ما كنت يوم يا دنيا حسيت بالندم
ولا قلبى يوم يا دنيا ذاق طعم الألم
لو كان بإيدي يا دنيا بعد ما جيت هنا
امسح دموعك واقيد شموعك
وافرش طريق كل اللي فيك بالهنا
لو كان بإيدي يا دنيا بعد ما جيت أنا
أقول حكاوي واقول غناوي تسعد قلوب كل البشر
مليون سنة
لو كان بأيدي اشوف وليدى عايش فى دنية حب
آآآآآآآآه لو كان بإيدى
ما كنت يوم يا دنيا حسيت بالندم
ولا قلب يوم يادنيا ذاق طعم الألم
