حاجة غريبة الدنيا لها طعم جديد
حاجة غريبة انا حاسس إنّ ده يوم عيد
وأنا حاسة الدنيا هربانة ويانا ف ليل كلّه سعاده
ليها فرحة حلوة في عنية وحلاوتها سكرها زياده
أنت عارف ليه
قولي إنت ليه
علشان احنا مع بعضينا ولأول مره لوحدينا
ولا حدش بيبص علينا غير فرحة قلبنا وعنينا
حاجة غريبة الليل ده كلّه كان امبارح بيزيدني حرمان وأسية
إتغير ليه .. إتغير ليه .. حتى سواده لوه ضيّ حنيّن في عنيّ
والنجمة دي أنا عارفاها وتمللي بسهر وياها
بس الليلة بتلمع اكثر وبتندهلي وانا سامعاها
اهي بتشاور اهي بتقرب انا دلوأتي ماشيه معاها
حاجة غريبة انت كمان انا شايفاك ماشي وياها
أنتِ عارف ليه
قول لي إنت ليه
علشان احنا مع بعضينا ولأول مره لوحدينا
ولا حدش بيبص علينا غير فرحة قلبنا وعنينا
حاجة غريبة
حاجة غريبة .. السما بتغني .. انت سامعها
ايوه سامعها .. بتغني مع فرحتي حبّي
والموجه اللي هناك دي بترقص
ايوه شايفها
دي بترقص على دقة قلبي
انت شايف .. انت سامع .. انت حاسس
احساس غريب قبل النهار ده ماجربتوش
وشعور جميل عمري في حياتي ما عرفتوش
ايه اللي جرالنا احنا بنحلم ولا بنحلم .. كلمني قول
لو كان ده حلم ياريتوا يطول
علشان نفضل نحلم كده على طول
والدنيا تفضل هربانة ويانا ف ليل كلّه سعاده
ليها فرحة حلوة في عنية وحلاوتها سكّرها زياده
أنت عارف ليه
أيوه عارف ليه
علشان احنا مع بعضينا ولأول مره لوحدينا
ولا حدش بيبص علينا غير فرحة قلبنا وعنينا
حاجة غريبة
