الألام..والعذاب..والجراح..وانكسارنا
هو ده كان اختيارنا
،،،،
انا وانت..نبيع ماضينا ... وانا وانت..خلاص رضينا
مين كان حس بجرح التانى ... مين اختار الحب يعيش
كنا اتنين احساسنا انانى ... كنا بنوعد مابنوفيش
ايوه..خنا اى وعود ... ايوه..كان طريق مسدود
حب..كان هوا ودخان ... حب كأنه مش موجود
ايوه..خونا اى وعود ... ايوه..كان طريق مسدود
حب..كان مابينا ومات ... حب..مستحيل حيعود
دلوقتى..كترت اعذارنا ... دلوقتى..حسينا بنارنا
بئى صعب..نندم على بعض ... بئى صعب نرجع فى قرارنا
مش هو ده كان اختيارنا
،،،،
لا والله مالوم الدنيا ولا الوم الزمن
انا وانت اللى بيعنا الحب بأرخص تمن
لو واحد فينا جارح ... طب واحد كان يسامح ... ماتت اجمل ملامح
شوفناها فبعضنا
قلبين زى الحجاره ... بايعين كله بخساره ... حاسين ليه بالمراره
دلوقتى انت وانا
مش هو ده كان اختيارنا
آه ... آه ... آه
هو ده كان اختيارنا
،،،،
،،،،
انا وانت..اتنين وباعوا ... وانا وانت..قلبين وضاعوا
يمكن بعد سنين نتقابل ... نفس الشكل ونفس الصوره
بس الحب حيفضل دابل ... والأشواق حتعيش مكسوره
ايوه..وقت دمعك فات ... ايوه..قلب حبيبك مات
قلب..بس زى الشمع ... قلب..انفرك حبات
ايوه..وقت دمعك فات ... ايوه..قلب حبيبك مات
قلب..كله جرح ودمع ... قلب..خالى م الدقات
انا وانت..حنعيش بألامنا ... انا وانت..دابت احلامنا
بئى صعب.. ترجع ايامنا ... بئى صعب احنا اتغيرنا
مش هو ده كان اختيارنا
،،،،
ليه راجعين بنبكى ونندم على الماضى اللى راح
ليه راجعين بنصرخ دمع وبننزف جراح
كانوا فين زمان دموعنا ... كانوا فين اول مابيعنا ... دلوقتى الحنين وجعنا
واشتاقنا لبعضنا
كان لازم يوم نتألم ... كان لازم يوم نتعلم ... كان لازم يوم حيعلم
الجرح فقلبنا
مش هو ده كان اختيارنا
آه ... آه ... آه
هو ده كان اختيارنا
