خليكو شاهدين يا بهايم على غدر البنى آدمين
إخلاصكم إخلاص دايم إنما دوكهم خاينين
خليكو شاهدين يا بهايم
عيَّط يا حصان على خيبتى ارفس واحتج معايا
هيطيَّروا منى حبيبتى إنت ما عندكش ولايا
ويا بقرة يا شايفة مصيبتى ارقعى بالصوت ويايا
يكفيكِ شر السكاكين والمدبح قولى آمين
خليكو شاهدين يا بهايم
اسمع يا حمار من فضلك طلَّعنى أبرطع على طول
وحياة حمورية والدك دلَّنى وأنا أجيب لك فول
قولِّى على أى طريقة أحسن فى القلب حريقة
ريَّح بالى المسكين وأنا أكون لك من الشاكرين
خليكو شاهدين يا بهايم
