فاتت جنبنا .. انا وهو
وضحكت لنا .. انا وهو
رديت وكمان رديت .. وفضلت أرد لحد ما فاتت
ونسيت روحي وصحيت .. أتاريها خذت الشمس وغابت
وانشغلت وقبل ما يطول انشغالي
رحت سائل روحي واحترت في سؤالي
انا بافكر ليه
وبشغل روحي ليه
اعرف منين إنها قصداني انا .. مش هو
واعرف منين أن الضحكة دي مش .. له هو
وليه انا .. ليه مش هو
مرة تانية برده صدفة .. كنت انا وهو في طريقنا
شفنا خطوة حلوة جاية .. وضل تالت بيسابقنا
التفت لقيتها هي
حاجة مش معقولة هي
وابتديت اسمع في قلبي .. لحن حب
لحن حب جديد عليَّ .. جديد عليَّ
سمعت منها كام كلمة
ما قالتش منهم ولا كلمة
بس انا حسيت .. ولأول مرة انا حسيت .. ولأول مرة باعيش وباحس
ولقيتني بادوب .. في كلام الهمس بادوب .. في كلام الهمس الي مالوش حس
ضحكت تاني نفس الضحكة .. وراحت ماشية
زي الدنيا ما تيجي في ثانية .. وتمشي في ثانية
بصيت لصاحبي لقيته .. جنبي وما هوش جنبي
عايز يقول كلمة .. اتقالت جوه في قلبي
كنت عايز اسأله .. هو كمان حس بيها وانشغل
ورجعت اقول .. رجعت اقول
انا بافكر ليه
وبشغل روحي ليه
اعرف منين إنها قصداني انا .. مش هو
واعرف منين أن الضحكة دي مش .. له هو
وليه انا .. لي ه مش هو
روحت انا .. انا روحت
روحت مش عارف مالي
ما اعرفش إيه اللي جرالي
فرحان عايز اضحك .. مهموم عايز أبكي
لا دموعي طايلها .. ولا لاقي حتى أشكي
حبيتها .. ايوه انا حبيتها .. مش قادر أنسى ضحكتها
مش يمكن دي فرحة عمري .. والفرحة ما صدقت لقيتها
كان فين اليوم ده غايب عني .. تسلملي وتسلم ضحكتها
وبعد يومين ابتدى قلبي .. يصحى من الفرحة وصحاني
يسألني امتى هنشوفها .. وأنا أقول له نشوفها فين تاني
والليالي دوبتني وشيبت فكري وظنوني
لما طيف الغيرة شوفته .. بيترسم قدام عيوني
إن لقيت صاحبي بيضحك .. أقول .. دي لازم قابلته
وإن لمحت في عينه شكوى .. أقول .. دي لازم خاصمته
مالقتش طريق قدامي .. يرحمني من العذاب
غير إني أدور وأسال.. وأعرف منها الجواب
وعرفت طريقها عرفته
وشقيت على بال ما عرفته
وبعت كلمتين مش أكتر من سطرين
قلت لها ريحيني قولي لي أنا فين
وجاني الرد جاني .. ولقيتها بتستناني
وقالتلي أنا من الأول .. باضحك لك يا اسمراني
انا .. انا ايوه انا .. انا .. مش هو
