فنجان شاى مع سيجارتين ما بين العصر و المغرب
ونظرة شوق فى نار قلبين مع السكر بتتقلب
وصورة حب مرسومه
فى قعدة صيف
ماتعرف مين كان الداعى و ميين الضيف
وكان الحب عازمنا
و بيراوغ بقاله سنين
صدق ويانا فى اليوم ده...... جرينا و تننا رايحين
لحد هناك و زاغ منا وسابنا لوحدنا........ قاعدين
فنجان شاى مع سيجارتين
فضلت اشادى على كلمه عاااايز أقولها
و أترجى فكرى يساعدنى علشان أطولها
راح فين الكلام اللى عايز أحكيه لحبيبتى
هايتآل إمتى يا قلبى إذا ما أتقلش دلوقتى
أتارى الفكر كان سارح
وواخد عقلنا ورايح
فى صورة القاعده اللى إحنا
بنرسمها من امبااااارح
مع فنجان شاى مع سيجارتين ما بين العصر و المغرب
ونظرة شوق فى نار قلبين
مع السكر بتتقلب
بصيت لفنجانها لقيته عمال ينقص
وف إيدها ساعه بتستناه
ما أدرتش أكمل فنجانى أحسن يخلص
و تخلص القاعده وياه
وداريت مرور الزمن
فى إديها بإديه
علشان أخلى الزمن ساعتى انا وهيه
وقلت احنا لسه بدرى خليكى شويه
انا عندى كلمه
عارفاها و ما تقولهاش
سمعاها سمهاها
ماتنطقهاش
انا حاسة بيها
وعايشه فيها
وجيت ارد عليك و عليها
