موقع لحن - نسخه الموبايل
ضحكه وطن
بيع واشتري عقارات وعربيات وموبايلات وحاجات اكتر في سوق التلات
  • كلمات اغنية ضحكه المساجين
  • تغازل العصافير.. قُضبانها
    زنزانة لاجلَك كارهة سجّانها
    دُوق زيّنا حلاوة الزنازين
    على بُرشَها.. بتمِدّ أطرافك
    سجّانك المحتار فى أوصافك
    مهما اجتهدْ ماحيعرف انت مين
    طوبَى لكل المسجونين باطل
    فى زمن.. بيخدعنا وبيماطل
    يا شموس بتبرُق فى غُرَف عِتْمين
    أما اللى خان وطنَك وأوطانى
    م الهيبة.. حاطّينه ف قفص تانى
    يصحى وينعس والجميع واقفين
    ومصر عارفه وشايفه وبتصبُر
    لكنّها ف خَطْفِةْ زمن.. تُعْبُر
    وتستردّ الإسم والعناوين
    يا دى الميزان اللى طِلعْت لفوق
    بينزِّلوك بالعافية أو بالذوق
    دول مش بتوع الصدق فى الموازين
    الثورة نور.. واللى طفاها خبيث
    يرقص ما بين شُهدا وبين محابيس
    والدم لسّه مغرَّق الميادين
    الحزن طايح فى قلوبنا.. بجدّ
    ما فضلْش غير الشوك فى شجر الورد
    غِلِط الربيع ودخل فى أغبى كمين
    وفى انتظار تيأس مع الأيام
    غيرك فى قفصُه بيضربوله سلام
    وانت الجزم قبل الكفوف جاهزين
    ومصر عارفه وشايفه وبتصبُر
    لكنّها ف خَطْفِةْ زمن.. تُعْبُر
    وتستردّ الإسم والعناوين
    يا عم اقعد بسّ واشرب شاى
    الدنيا ماشيه وشعبنا نسّاى
    والبركة فى الشاشة وفى الجرانين
    واذا هوْهوُوا.. قوم إعلن الأحكام
    وكل بُق.. تلجّمه.. بلجام
    ومش حتغلب تطبخ القوانين
    ويا مصر.. هَدِّى وانتى بتفُوتى
    الصوت فى صمتُه.. أعلى من صوتى
    آدى السجين اللى ما باتش حزين
    واللى يُقف فى وش ثوّارها
    ما حيورث إلاّ ذلها وعارها
    واللى حيفضل.. ضحكة المساجين
    ومصر عارفه وشايفه وبتصبُر
    لكنّها ف خَطْفِةْ زمن.. تُعْبُر
    وتستردّ الإسم والعناوين