صباح الخير
ضربتة اقول صباح الخير
واشوفك كيفن اصبحتة
واشوفك عنية ولا نسيت
معاي الشوق لامن رحتة
بدور انا يبدأ يومي سعيد
بهمسو الناعس الصاحي
وقصدي حديث رقيق وحنين
ابدر بيهو صباحي
واعيد لحظات اعيش فيها
معاك اشراقي وافراحي
واصبح لي قليب في ريد
تطير اشواقو بجناحي
@@@@
داير اسمعك تاني تناديني
وتقول اسمي
سنين وحروفو رايحة علي
وتايهه معايا في وهمي
كأنو الليلة سموهو وشفو
حروفو في دمي
وما ظنيتو مرة يمين لامن
قالو البيزيل همي
كيف يا صباحي تبقى صباح
بدون ما يهدي لي الحان
تصافح اذني احلى كلام
ندر ما يندى بيهو زمان
وتطربني اللجينو الزي
ظلال في لوحة الفنان
اسمع النغمة تأثرني
وتملا القلب كلو حنان
