وان خيروني ببنات العم اخد الكبيرة اللي تشيل الهم
وان خيروني ببنات الخال اخد اللي فيهم عارفه طبعي وحالي
انا عايز صبية يكون قليبها عليه ترسملي علي الطاجية قلب ويمامه ودار
تمسح دمعة بكاية ورموشها تكون غطاية وان طال الليل معايا كلمتها تكون نهار
يبقلنا بيت صغير وقمر اخضر ينور وولد دايما يدور عن حاجة يهشها
وهي تدخل وتطلع
تتكلم قلبي يسمع
اتكلم هي تسمع وتحب عشها لوحتي مفيش فصال
اجي في المغربية تجري من الدار عليا
تاخدني من ايديا ونتعشي سوا
نتكلم في اللي فات وفي اليوم اللي ات
ينيمنا السكات ويصحينا الهوي ولينا الف جار
