أنا مهما خدتني المدن ... وخدتني ناس المدن
دايمًا صورتك في قلبي ... دليلي في المدن
أطوي المدن واجيكِ ... عطشان لنور عينيكِ
وأرمي روحي عليكِ ... تطبطبي وتضمّي
مبحسّش بالبراح ده ... الّا في قلبك يا أمّي
أيوه في قلبك يا أمّي
وأنا مهما خدتني المدن ... وخدتني ناس المدن
دايمًا صورتك في قلبي ... دليلي في المدن
كبرت وكل ما اكبر ... يكبر حبك في قلبي
يكبر... وأنا ليا غير ... وطني وانتِ وربّي
ولمّا أعود إليكِ ... وأبوس على إيديكِ
أنسى المدن يا أمّايا ... في لمستك وعنيكِ
وأرمي روحي عليكِ ... تطبطبي وتضمّي
مبحسّش بالبراح ده ... إلّا في قلبك يا أمّي
أيوه في قلبك يا أمّي
وأنا مهما خدتني المدن ... وخدتني ناس المدن
دايمًا صورتك في قلبي ... دليلي في المدن
أمي يا حبيبتي إنتي .. طول عمرك طايرة بيا طايرة بيا
أمي وكأنك إتخلقتي ... علشان تخافي عليا
طول ما إنتي عايشة ليا ... يا نبع م الحنان
لو ضاق الكون عليا ... ليا في قلبك مكان
وأرمي روحي عليكي ... تطبطبي وتضمي
مبحسش بالبراح ده ... إلا في قلبك يا أمي
أيوة في قلبك يا أمي
وأنا مهما خدتني المدن ... وخدتني ناس المدن
دايما صورتك في قلبي ... دليلي في المدن
