مع وقت الغروب افراق مسح دمعي بمنديله
من الرهبه حضر من كان ع الشاطئ يعزيني
تباعد صاحبي يبكي وقلبي ذاب من غيره
مع قرعة خطاوي الزين بدا قافي يواسيني
عرفت ان الزمن قاسي ولا نقدر بتعديله
وعرفت ان القدر اسبق من اللي ضمته عيني
مشيت وعبرتي تشكي حبيب راح في ليله
اخاف انه يطول الوقت ويقتل كل مافيني
الا ياهل الهوى دمعي بحر ماينقطع سيله
سقيت البر واعشابه به اسرار تشقيني
محال انساه ياعادل محال ارضى بتبديله
محال انقض عهد وانسى جرا مابينه وبيني
انا راسي ترى مرفوع ولا ارضى بتنزيله
ولو طال الهجر ببقى مع الذكرى تسليني
