تعرف لما بأقابلك يومها بأحس بأيه زي ما أكون عطشان وشربت زي ما أكون زعلان وفرحت زي ما أكون تعبان وأرتحت ده اللي أنا بأشعر بيه ياحبيبي
بأتشوق لك شوق عصفور أسير متلهف على الحريه وأنا محتاج لك زي الورد اللي بيحتاج للهواء والميه وأما بأقابلك بابقى في نشوه كبيرة تكفي حياتي الجايه بتنسيني قساوة الماضي وتخليني في قربك راضي زي ما أكون عطشان وشربت زي ما أكون زعلان وفرحت زي ما أكون تعبان وأرتحت ده اللي أنا بأشعر بيه ياحبيبي
وأنت معايا بأعيش أيامي اليوم فيها بعمر طويل وألقي هنايا معاك ياغرامي هناء ملهوش في الدنيا مثيل ما أنت كفايه تكون قدامي يبقي الكون قدامي جميل بتنسيني قساوة الماضي وتخليني في قربك راضي زي ما أكون عطشان وشربت زي ما أكون زعلان وفرحت زي ما أكون تعبان وأرتحت ده اللي أنا بأشعر بيه ياحبيبي
