نور العيون يا شاغلني
غيرت ليه أحوالك
حرام عليك تهجرني
عشان كلام عزالك
ده اللي قالوا لك عني
قالوا لي عنك
حالفين لياخدوك مني
يا خوفي منك
وازاي أعيش أنا خالي
بينك وبين عزالي
تعال يوم واصفى لي
ذه انت الحبيب الغالي
تهجرني ليه
وأنا طول عمري هايم في هواك
والعمر يجري
وأنا قلبي مستني رضاك
عايش بحبك
وغرامي فوق كل غرام
غايب وصورتك قدامي
كلها أحلام
وبس ليه طبعك كده
ده كتير علي كل ده
وعد كان مكتوب لنا
عزول وفرق شملنا
وازاي ازاي ازاي
وازاي أعيش أنا خالي
بينك وبين عزالي
تعال يوم واصفى لي
ذه انت الحبيب الغالي
الوجد زاد والقلب عليل
وكل شيء يرضيك يرضيني
والصفح منك يبقى جميل
لو كنت يوم تعطف وتجيني
وتقول لي من اللي أساك (قساك)
يمكن أكون مظلوم وياك
ييجي عزولي ويكيدني
وتصدقه وتكدبني
وازاي ازاي ازاي
وازاي أعيش أنا خالي
بينك وبين عزالي
تعال يوم واصفى لي
ذه انت الحبيب الغالي
تفسير الكلمات الصعبة
ازاي بالعامية المصرية تعني "كيف"
عزول العذول هو الحاقد يريد الوقيعة
