يا قلبي طير في الهوا واهدي حبيبي سلام
اللي حرمنا وداعه وفاتنا للاوهام
وقله هو اللي بينا حب ولا كلام
وحلفه بكل غالي يروح ويرجع قوام
ناديت عليه لا رد صوت ولاصدى
ناديت ناديت وغلبت من طول الندا
استناني استناني هي دقيقة كتيرة علشاني
استنيتك عمر بحاله مش قادر تستنى ثواني
ده انت حبيبي استناني
كنت حاقولك
ماتسيبنيش للشوق والحيرة وخوفي عليك
وابقي ابعت لي كلمة تهدي الشوق وتطمن قلبي عليك
كنت حتسمع دمع عيني بيقولك ما تغيبش عليا
كان حيقولك لمس ايدي فكر في فكر في
ناديت ماسمعت غير صوتي انا
ياريت ما جيت ولا قلبي كان جابني هنا
دنيا غريبة علي وانت بعيد عن عيني
وآه لو عرفت اللي بيا تبكي معايا عليا
استناني استناني هي دقيقة كتيرة علشاني
استنيتك عمر بحاله مش قادر تستنى ثواني
ده انت حبيبي استناني استناني استناني
يا واخد الدنيا الحلوة معاك
يا خوفي تنسي الدنيا هناك
طب فين اروح وحدي ودمعي علي خدي
لا كلمة حلوة في ودني ولا وداعك في حضني
دنيا غريبة علي وانت بعيد عن عيني
وآه لو عرفت اللي بيا تبكي معايا عليا
استناني استناني هي دقيقة كتيرة علشاني
استنيتك عمر بحاله مش قادر تستنى ثواني
ده انت حبيبي استناني استناني استناني
