حبك يسر العيون ومرة يشجيها وأنا وهم الليالي السود خلانه تزعلني عيونك النجلاء وارضيها لالا تجول المحبة مالها خأنه .
نار الهوى يحرق المجروح صاليها حبك توسط مكاني وسط نيرانه الحال في نار حبك يوم تشويها أنشدك نشدت خفى منهوه على شأنه .
مرة تخم السهوم ومرة تخطيها بين أعتراف الخفوج وبين جحدانه ان كان ما تأخذ العشرة وتعطيها ماتت غصون الغلا بروح ضميانه .
هذيه عيونك تداريني وداريها مدامت قلوبنا للحب عطشانه فرجاك مرة ولا ودي بطاريها ورجل مصداج حبه ضحك حجأنه.
مابيك تكحل مدامعنا وتعميها وتوسد الراس حرمأنك وحرمأنه العين ما تغلي إلا عين مغليها واليوم من كثر ما تغليك سهرانه .
قضيتي في المحبة عند قاضيها وراعي الهوى بالهوى ما عاش من هانه
حبك يسر العيون ومرة يشجيها وانا وهم الليالي السود خلانه .
