اوعك ياحبيبي اوعك تاني تزعل آه كفاية عذابنا اللي طول
تغمرني بحنانك و تسقيني المحنة
أيام عمري جنبك جنة و ألف جنة
تايهين في العواطف لا ظن لا مظنة
والصابر بيلقى نصيبو لو تأنى
كل البهجة حولك فرحان بالسعادة
غير حبك وحاتك ما داير زيادة
انت عليك اتوب وعليا العبادة
أصلو فراقنا أول كان قسمة وارادة
شوف بيتنا بيضوي والنور من شبابك
عشك ياحبيبي بيقول لك حبابك
وان كان لي فؤادي ساير في ركابك
والدنيا العريضة ساي كانت في بابك
باكر ياحبيبي تبقى حياتنا غنوة
ونزيد بي صغير أو بي زهرة حلوة
تاخد من جمالك وتصبح لينا سلوى
تقول يايابا شوف يا ماما شوفي
يايابا شوفو الدنيا حلوة
