يارفيق العمر غيرك الزمان
ناسيآ أحلى الليالي والسنين
صار قلبك قاسيآ مابه حنان
اندثر الاحساس منه ياضنين
كنت تعطيني على حبك ضمان
كنت أشوفك واهتني بك كل حين
غاليآ عندي ولك قدرآ وشآن
امتلكني حبك الغالي الثمين
وين ذاك الوقت قلي وين كان
وين عهدك والوفا والحب وين
ياخساره راح ضيعته وهان
مابقى له منك ياخلي حنين
افترقنا وكل منا في مكان
ساليآ بالك وانا بالي حزين
آآه يادنيا خلى منها الأمان
لوصفت لحظات مسرع ماتشين
