يا عشاق النبي
يا عشّاق النّبي صلّو على جماله
دي عروسة البيه تعالوا بنا نسندها له
آدي نور جمالها أهوه هل هلاله
يا هنيّه للّي ينولها يا هنيّاله
يا قمر منوّر سبحان من صوّر
جولييت وسفيره عزيزة مين ده إسم مزوّر
مين شاف كده بني آدمين راح تطلعي وحشه لمين
الأمّ لون الياسمين والأب عريض وسمين
يا سلام يا حتّة سكّره يا ترياق اللّي معكَّره
يا عريسها يا زين ما التقيت
عريسك من يومه آهو ملو هدومه
اتهنّي به وافرحي به وكيدي اللّي يلوموا
فنجرته دي كلّها إيه بحبوح اسم اللّه عليه
يبدر بالألف جنيه تقوليش ملاليم في إيديه
إن شا اللّه تملّي سبهللي على حسّك انت يا فلّلي
يا جنان يا ناس على ده تواليت
يا عشّاق النّبي صلّو على جماله
دي عروسة البيه تعالوا بنا نسندها له
آدي نور جمالها أهوه هل هلاله
يا هنيّه للّي ينولها يا هنيّاله
