أنا عايش في حماية ربي دايمًا مليان عمري سلام
هو مطمن روحي وقلبي ومعاه بتهون أي آلام
أيوه أنا شاكر فضله وخيره أنا ماقدرش أعيش من غيره
ده اللي يحبه بكل ضميره راح يفرح طول الأيام
1- أنا أبدًا ما باخاف من بكرة ربي مدبر كل حياتي
مهما هايحصل مهما هايجري هو بيسمع كل صلاتي
أيوه أنا عمري في إيده مسلم هو حبيبي ومنه أتعلم
مهما هايعمل مش هاتكلم واثق إن الخير في ضيقاتي
2- أنا في الوحدة حزين وباعاني لكن ربي بيونسني
مهما هاقاسي في مر زماني بالفرحة يسوع بيحسسني
أيوه ده هو اللي معزني وكلامه منورلي سنيني
ووعدني أكيد هايجيني في سماه هاياخدني يوديني
