ثوار
ثوار . . ولآخر مدى ، ثوار ..
مطرح ما نمشى ، يفتح النوار ،
ننهض فى كل صباح ، بحلم جديد ،
ثوار ، نعيدك يا انتصار ، ونزيد ،
وطول ما إيد شعب العرب فى الإيد ،
الثورة قايمه ، والكفاح دوار
من أرضنا هل الايمان ، والدين
عيسى ومحمد ثورتين خالدين ،
والعلم ثوره ، ومن هنا قامت ،
والفن والحريه ، والتمدين
ثوار ، نهزك يا تاريخ ، تنطلق ،
نحكم عليك يا مستحيل تنخلق ،
نؤمر رحابك يا فضا ، تمتلئ ،
والخطوه منا . . تسبق المواعيد .
الشعب قام ، يسأل على حقوقه ،
والثورة زى النبض فى عروقه ،
اللى النهارده يحققه ، ويرضاه ،
هو اللى بكره ، بهمته ، يفوقه …
ثوار ، مع البطل اللى جابه القدر ،
رفعنا راسنا لفوق لما ظهر ،
بوسنا السما وياه ودوسنا الخطر ،
والعزم ثابت والعزيمه حديد .
تعالوا يا أجيال ، يا رمز الأمل ،
من بعد جيلنا ، واحملوا ما حمل ،
وافتكروا فينا ، واذكرونا بخير ،
مع كل غنوه من أغانى العمل …
هيلا هيلا ، ثورتنا عمل وجهاد !
هيلا هيلا ، هبوا ، واصنعوا الأمجاد !
هيلا هيلا ، وابنوا فوق بنا الأجداد .
أول طريقنا بعيد ! . . وآخره بعيد !
وطول ما ايد شعب العرب فى الايد ،
الثورة قايمه ، والكفاح دوار ! …
