حسنك يفوق حد الخيال
كيفن محاسنك اعدهم
السمحه يا ستهم
حسدوك هم يا ستهم
لما الصفات عددتهم
لو ما الظروف وخوف الملام
في هواك كان كلمتهم
كان قلت إسمك للأنام
وبُحت بي سر الغرام
وعشت الليالي العشتهم
شافوك هم يا ستهم
غنوك معاي في سرهم
عرفوا الجمال وأحلى الخصال
كل المعاني الردتهم
قالوا المحال رقه ودلال
والجيد طويل وعيون غزال
والبسمه فيك يا ستهم
وين الحروف يا ستهم
صعبن عليّ ما عرفتهم
ارجع وأقول دونك تحول
سجع القوافي الشفتهم
لو قلت زول ما زيو زول
مابوفي زول او ليك اقول
والله ستي وستهم
