قبل ما تنكرى حبك ليه
وتقولى لى انت محبتنيش
فسرى كل اللى كان بنا
قولى بصدق ومتخبيش
ايدك ليه كت ضمت كفى
راسك ليه نامت على كتفى
وازاى كنتى بتقبلينى
هو فيه اكتر من انك
كنتى بتحلمى انى اضمك
قبل ما اجى كنتى بتيجى
طب دانا وانتى كنا بنمشى
ادام كل الناس مانخافش
وبنتكلم مع بعضينا
مواضيع صعبه وما بتتقلش
ياما حلمنا انا وانتى ببتنا
وازاى سوا جواه حنعيش
واما الحلم دا قرب
يبقى جايه تقولى محبتنيش
حكايتنا انتى اللى بدأتيها
خليتى كل الناس تحكيها
عرفتيهم اسرار عنك
صعبه واحده قوى تحكيها
