شو فيها إذا نعّوم حبها لنعيمة
أنا من مدّة حبيت وحدة إسما حليمة
وبالآخر ما تجوّزنا والسلامة غنيمة
بدّو الحب يضلّو حب نعيمة أو حليمة
زعلت حليمة راضينا حليمة
رجعت حليمة لعادتها القديمة
كنا من بعيد لبعيد نسيناها
وصدفة بالعيد صدفة راضيناها
عدنا من جديد ووقعنا بهواها
ياربّي تطلع وقعتنا سليمة
صوتك مجروح يا طير وبتغني
بابي مفتوح وما بيسألوا عنّي
لو فيك تروح وتعود تطمّني
لرشّ القمح وإعملّك وليمة
ع سطح الدار وحدي بالليالي
بكتب أشعار وبقولا لحالي
شعر وزنّار بيعنّوا ع بالي
وهاك المشوار وإيّام القديمة
